NEULICH IM GEISSBOCKHEIM


Was erlaube Daum … TEIL 2

Fortsetzung von, siehe Link: TEIL 1


Engels: Jut Scheff. Ävver dä Krisstoff kann doch jetz mit dä Red für ALLES Werbung maache, er hätt jet von 40 Jrad Fieber jeschwaad, dofür köme Fieber-Tablette in Betracht:
Glowacz: Jenau! Un als dä nevve däm Mischel esu erömjehampelt is, künnt mer für jet mit Blasenschwäche werbe … dat so jenau esu us …
Engels: Do kütt en Stimm über dä Filmausschnitt, dä künnt sich esu aanhüre: "Willste nit zur Toilette rennen, janz flink, mach et wie Krisstoff, nimm Jranufink!"
Glowacz: Waat, wat hät er noch verzällt. Ah ja: "Ich han dä Club mit minge eijene Häng opjebaut." Da wöre bestimmp manche Baumärkte interessiert. Da jitt et doch esu ene Spruch: "Et jitt immer jet ze dun …"
Overath: Kokolores! Jungens. Maach ja sin, dat dä Krisstoff sich noch ens widder e bissje für die Medien darstelle wollt. Wat mir nit jefällt, is wie dä sich als ene "ärme Jung", der von mir erpresst weed, darstelle deid. Ich will doch bloss wisse, wo mer draan sin. Is dat zu vill verlangt?
Meier: Nun ja, er hat nun mal diesen Vertrag …
Overath: Wer hät dä eijentlisch verbroche, DU, … Mischel?
Meier: Das waren wir ja wohl alle!
Engels: Isch bin Scheffskaut, isch bin dafür esujet nit zoständisch!
Glowacz: Isch als Fitze-Prässident och nit …
Overath: Uni sch als Prässident schon ens ja nit … wat han isch mit däm Taresjeschäff ze dunn?

Schweigen … alle blicken auf Meier!

Meier: Moooooment! Was soll denn das bitte heißen?

Glowacz und Engels klatschen sich ab … und rufen gemeinsam:

Glowacz/Engels: Mir han ene NUBBEL !!! Hurraaaa …

Overath: Nu seid ens still … dat mit däm Vertrach künne mer ja jetz nit mieh ändere. Ävver kann et vielleich sin, dat dä Krisstoff mir ene Vorwurf maache wollt, von wejen keiner wör op singer Sick?
Glowacz: Dat han isch nit esu verstande. Dä wollt doch nur die Dschornaliste an enem Ring in de Nas durch de Presseraum führe.
Engels: Jenau, hät och jeklapp, die han geluurt wie Firkel ob de Schlachtbank.
Glowacz: Is och doof, dat mer he in Kölle kein Zeidung han, die NUR possitiv üver dä FC schrieve deit. Da künnt mer doch vill Jeld mit verdeene.
Meier: Hmm, für die positven Nachrichten würde aber schon so ein gelbes Post-it, also ein Haftie vollkommen ausreichen.
Engels: Und dat däät och nur eenmol im Monat erscheine.
Meier: Einmal im Quartal!
Overath: Jungs, jetz is et joot! Ich denke och, dä Krisstoff hät bestimmp all die Artikel üvver die 10 Jahre alte Trappatoni Red jelesse. Da hätt dä jedaach: Wat ene MAESTRO kann, kann ene MESSIAS schon lang. Da hät er dann nur en bissje Theater jemaat …
Meier: Bauerntheater …
Engels: Wat meinste denn jetz damit, Mischel?
Overath: Hät nix mit Mondorf ze dun, Steff! … Eso Jungens, dann hätten mer dat jetz jeklärt. Dann dät isch jetz sare, mer jonn in uns Jaststätte jet schnabuliere un vielleich ein … oder zwei Kölsch süffele. Wer is dafür …?

Alle zeigen auf, auch wenn sich Meiers Finger etwas zögerlich gen Himmel streckt.

Overath: Wunderbar, dat is Jeschlossenheit im Management. Esu kriejen mer alle Probleme jestemmt. Da künne die Presseheinis schrieve, wat se wolle. Also, ab an de Thek … STEFF, en Leed für dä Weet !!!

Engels: Mir kumme mit allemann vorbei, hurra,hurra
Mir kumme mit allemann vorbei, hurra,hurra
Mir kumme mit däm Scheff vorbei, dä lädt uns jetz zum drinke ein
Und dann jeht et loss, denn mir kumme mit allemann …

Die Aufnahme bricht ab. Damit endet dieser Bericht über Daums Wutrede, die die Herren nach gewohnt objektiver und fachmännischer Analyse erstaunlich gelassen hinnehmen. Warum Probleme erzeugen, wo keine sind? Auch so kann man einen Verein führen. Nachahmenswert!