NEULICH IM GEISSBOCKHEIM - TEIL 1

Am 14.03.2008 explodierte Christoph Daum! Während der Pressekonferenz konnte der Trainer seine Emotionen bezüglich der Vorwürfe der Presse Richtung seiner Vertragssituation nicht mehr zurückhalten und faltete die Journalisten erst einmal richtig zusammen. Was sich ca. 1 Stunde danach im Meeting abspielte, hat mein Informant festhalten können (SATIRE).

Overath: Miiitiiiing !!! Ävver flöck !!

Glowacz: Schkumme ...
Engels: Schbinalltdoo ...
Meier: Ja, Wolfgang. Wir müssen reden. Kein Zweifel!

Overath schaut seine Leute an, er wirkt angespannt und angriffslustig, jedoch auch ein wenig ratlos. Er setzt an …

Overath: Kann mer einer von üch saren, wat dä Driss vom Krisstoff evvens sollt? Mir is vür Schreck de Kaffeetass us de Finger jerötsch …
Glowacz: Eja, Schlimm Scheff …. Unn? Jov et Flecke …?
Engels: Kaffeeflecke kritt mer erus, kei Thema ... mer muss nur dat rischtije Wäschmittel han, also isch empfehle bei esujet …
Overath: STEFF !!! Wat soll dä blöde Verzäll, do Zebingemännsche. Mer sin doch he nit op´m Werbekanal. Mer han janz andere Probleme … und dä Kaffeefleck jeht mer an de Fott vorbei …
Glowacz: Die Kaffeetass is dir op de Fott jefalle? Wie jeht dat dann?
Engels: Janz einfach, die Kaffeetass wor bovven, … in dä Hand! Un die Fott is … bei mir jedenfalls, wigger unge … dat is doch die natürlische Fallrichtung, odder?
Overath: Steff!!! Ich zeich dir jleich die natürliche Fallrichtung us mingem Büro … wenn du us däm Finster avstürzt.
Glowacz: Scheff, wo du jerad Fenster sääs, mir is hück morjen och ming Windows avjestürzt. Dat wor och blöd, also …

Meier unterbricht …

Meier: Ihr habt echt Sorgen. Was soll ich denn sagen, ich saß ja direkt neben Christoph, als er losgelegt hat. Ich habe ja noch versucht zu relativieren, aber …
Engels: … op allen Vieren?
Glowacz: Ja, wo du dat jrad sääs, Mischel. Isch han ja jetz die Fernsehaufzeichnung von däm wat du jesaat häss jesehen. Un während du jesproche häss, hät dä Krisstoff esu komische Verrenkunge jemaat. Dat soh en bissje esu us, wie us enem Luis des Funnes Film.
Meier: Der heißt Louis de Funès, Jürgen!
Engels: Quatsch, misch hätt dat eher an Städler un Waldorf erinnert, die Opas us dä Mappet-Show …
Overath: Davon avjesehn, dat ihr bloss Keu schwaade deit … dat hat wirklich jet komisch usjesin. Als wenn dä Juckpulver im Sakko jejabt hät. Ävver dat is jetz nit Thema. Wat wollt dä Krisstoff bezwecke … un kutt mer jetz bloß nit mit Kaffee-Flecke …
Glowacz: Dat reimt sich …
Engels: (stolz) Also, … ISCH, ühre Scheffskaut, han en Theorie.
Meier: Danke! Zur Kenntnis genommen. Was denkst du Jürgen?
Glowacz: Ähhhhh, isch muss noch en bissje analüüsiere …
Overath: Dann analüüsier ens, dunn dir ävver nit wih dabei. Steff, du biss draan. Ding Theorie, isch will se ävver nur hüre, wenn se jot is un nix mit Kaffee ze dun hät. Klar?
Engels: Also, dä Krisstoff will sich doch he in Kölle en Denkmal setze … Tja, dafür jit et mehrere Möschlischkeiten, die eetste is … OPZESTEIJE !!!
Glowacz: Dat han schon Lienen, Funkel un Stevens jeschaff. Die Denkmöler von denne kenn isch ja nit ? Stonn die in Mondörp?
Engels: Enä, jedenfalls so wie isch dat weiß. Die Möschlichkiet scheidet aus, zweite Möschlischkeit: Er mööt ene Tittel jewinne. Dat jeht esu flöck ävver och nit. Un da isser op die 3. Möschlischkeit, de "italienische Method" jekumme …
Glowacz: Meinste provoziere, enhooke, sich falle losse un kriesche?
Engels: Nee, nit DIE Stratejie. Dä Krisstoff is nämlisch ab hück dä "Krisstofferus Daumatoni". Dä hät dä Trappatoni nohjemaat. Er hät doch jesaat, er mööt ooch an sich denke. So vill Tittel kannste nämlisch janit jewinne, wie esu en Red enschlare deit … Dä Trappatoni weed hück noch wejen der Pressekonferenz von damols für vill Jeld für de Werbung angaschiert, Joghurt-Werbung, Kaffee-Werbung …
Overath: Nix Kaffee, Steff …

Die Fortsetzung finden Sie HIER : TEIL 2 von WAS ERLAUBE DAUM